Dynamikweerde
Dynamikweerde
Dynamikweerde beschrieft bestimmte Aspekte vun en Bewegungsafloop bi en Aktivität.
De Bewegungsafloop sülvst warrt dörch Intensität, Fitnesstoostand, Effizienz, Streckenbeschaffenheit, Stilverännerung, Blessuren un wiedere Faktoren beinflusst. Dörch de Dynamik laat sik Rüchslüss op disse Aktivitätsattribute trecken.
Kadenz
Stapptakt bi't Lopen
Bi't Lopen warrt de Stapptakt dörch Köörpergrött, Snellheit un Streckenbeschaffenheit beinflusst.
Tellt warrt de Schritte vun dat linke un dat rechte Been, dor elk Been en Schritt verorsaakt.
För en optimalen Bewegungsafloop hebbt in de Theorie grötere LöperInnen, bi gliekblievende Snellheit, en nedrigeren Stapptakt, as kleinere LöperInnen. De optimale Stapptakt warrt dörch wiedere Faktoren, as Muskel-Sehnen-Elastizität, Blessuren un propriozeptive neuromuskuläre Fitness, beeinflusst.
Du kannst Di in'n Pace- un Stapptaktrekner Dien Stapptakt passend för en Pace un Dien Körpergrötte ankieken laten. Dissen finnst Du in de Planungsansicht vun en Öven.
Dynamischen Stapptakt
De dynamische Stapptakt ännert sik in de Relation to de Snellheit während dat Lopen, bi gliekmätige Anpassung vun de Stapplängde.
Statischen Stapptakt
Bi den statischen Stapptakt is disse fixeert. De Snellheit warrt blots över de Stapplängde beinflusst. Dit is in't Öven sinnvull, üm den Sinn för Stapplängde, Glieksmatigheit, Bewegung un Footopsatz to traineern un kann bi bannig lange Löpe vun Vördeel för en angenehmen Rhythmus ween.
Traptakt bi't Fietsen
De Traptakt ergifft sik ut de komplete Ümdreihung vun de Kurbelwell. Dormit betracht man, anners as bi't Lopen, de absolute Kurbelbewegung.
Bi't Fietsen warrt de Traptakt dörch Snellheit, Köörpergrött, Kurbellängde, Kettenöversettung, Riepengrött un Streekart beinflusst. Se mutt bi variable Streck stedig nee funnen warrn un schull de Kraft schonend op den Köörper verdeeln, ahn dorbi ineffizient to ween.
Toogtakt bi't Swömmen
Bi't Swömmen warrt de Toogtakt dörch Armlängde, Kraft, Snellheit, Waterwedderstand un Strömung beinflusst. En geringere Toogtakt bi gliekblievende Snellheit föhrt eerst mal to en betere Kraftutnutzung, verhöögt aver ünner Ümstänn dörch en grötere Amplitude den Waterwedderstand to stark. En optimale Toogtakt resulteert ut en Balance vun Kraftinsatz un Waterwedderstand.
Tellt warrt, ähnlich as bi't Lopen, de Swömmtöög vun den linken un den rechten Arm, dor elk Arm en Toog verorsaakt.
Amplitude
Stapplängde
De Stapplängde berekent sik ut Stapptakt un Snellheit un dat gellt desülven Grundeegenschoppen as bi den Stapptakt.
Je gröter de Stapplängde is, desto gröter is ok Dien Bewegungsamplitude.
Üm hoge Snellheiten to erreken is dat nödig den Schritt to verlängern, da en Kadenzerhögung irgendwann nich mehr sinnvull mööglich is. Bi lege Snellheiten gifft dat twee Hauptstile, de Gazelle mit langen Schritt un lege Kadenz un den Glieder mit korten Schritt un hoge Kadenz.
Traplängde
De Traplängde bi't Fietsen is de na en Kurbelümdreihung trüchleggde Streek vun den Sportler un berekent sik ut Traptakt un Snellheit. Se warrt dörch de wählte Översettung un den Kraftinsatz beinflusst.
Tooglängde
De Tooglängde bi't Swömmen is de na en Armtoog trüchleggde Streek vun de Swömmerin un berekent sik ut Toogtakt un Snellheit. Se warrt dörch Kraft un Strömungsverholln beinflusst.
Dynamiken bi't Lopen
Bodenkontakttied
De Bodenkontakttied is de Duur in Millisekunden, de Du bi elk Schritt den Boden berührst. Se is primär vun den Pace un den Stapptakt afhängig un sackt bi högere Snellheit un Stapptakt. Sekundär warrt se dörch den Loopstil beinflusst, wobei Footopsatz, Propriozeption un de Öventoostand de grötste Rull speelt.
Weerde vun 150ms, bi bannig snelle Löpe, bit to 400ms, bi bannig langsame Löpe, sünd in'n Bereich vun dat Gewöhnliche.
Balance vun de Bodenkontakttied
Dörch de Messung vun de Bodenkontakttied vun den linken un den rechten Foot, lett sik de Balance vun de Bodenkontakttied ermiddeln. Se warrt in Prozent angeven, wobi 50% de exakte Midden dorstellt. 49,5L / 51,5R % bedüüdt, dat de linke Foot den Boden insgesamt korter berührt hett, as de Rechte.
Dörch de Balance vun de Bodenkontakttied laat sik Asymmetrien marken, wobi Weerde in'n Bereich vun 49-51% in'n Bereich vun dat Normale sünd, solang dordörch keen Beschwerden optredt.
Fluchtied
De Fluchtied berekent sik ut de Bodenkontakttied un den Stapptakt. Je höger de Fluchtied, desto länger büst Du mit beide Been in de Luft.
Been-Federsteifigkeit (Leg Spring Stiffness)
De Leg Spring Stiffness oder Been-Federsteifigkeit is en proprietären Weert vun den Stryd Footpod un gifft Di Hinwiese op de Energietrüchföhrungskapazität vun Dien Ünnerschenkel. Bi högere Weerde kann Dien Ünnerschenkel mehr Energie opnehmen un ok wedder afgeven.
Vertikale Oszillation
Bi't Lopen beschrifft de Körper bi elk Schritt en Floogkurv, de in en Op- un Afbewegung vun den Körper resulteert un dörch de Vertikale Oszillation beschreven warrt.
Je höger de Snellheit is, desto höger is ok de Vertikale Oszillation. Sekundär warrt se dörch den Loopstil un den Stapptakt beinflusst.
Vertikalet Verhöltnis
Dat vertikale Verhöltnis beschrifft dat Tohoopspeel ut Snellheit un vertikale Oszillation. En leegen Weert kann en Indikator för en effizienteret Lopen ween.
Köörperelastizität
De Köörperelastizität beschrifft dat Uteenannerdrieven vun den Ünnerschenkel in't Verhöltnis to'n Böverköörper bi't Lopen un dormit de Egenoszillation un Elastizität vun den Köörper.
Ermööglicht warrt disse Weert ut en Kombination vun de vertikale Oszillation vun den Stryd Footpod un de vertikale Oszillation, de vun en Bostgört meten warrt. Disse Weert warrt vun Tredict berekent, wenn de entsprekenden Geräte gliekmätig dragen warrt.
Dynamiken bi't Fietsen
Pedalmiddenversatz (Platform Center Offset)
De Pedalmiddenversatz wiest, an welke Position de Kraft relativ to de Pedalmidden op dat Pedal överdregen warrt. De PCO kann Di dorbi hölpen, Asymmetrien oder Extremweerde to sehn.
Links-Rechts-Balance (Left Right Balance)
De Links-Rechts-Balance wiest, of Du grote Ünnerscheede bi de Kraftverdelung op de Pedale hest. En to grote Asymmetrie kann dorbi to Blessuren föhren un wirkt sik ineffizient ut. Afwiekungen vun enige wenige Prozent sünd aver in'n Bereich vun dat Normale.
Leistungs-Phase (Power Phase)
De Power Phase wiest Di an, in welken Bereich vun de Pedalümdreihung de Leistung inbracht warrt.
Leistungsspitzen-Phase (Peak Power Phase)
De Peak Power Phase is de Bereich, bi den Du am meisten Leistung in de Pedalümdreihung inbringst.
Dreimomenteffektivität (Tourque Effectiveness)
De Dreimomenteffektivität is de Summ ut de aktiv positiv utöövte Beenkraft op en Pedal un de entgegengesett negative Kraft, de vun dat anner Been op dat gegenöverliggende Pedal utöövt warrt.
Pedallooproh (Pedal Smoothness)
De Pedallooproh berekent sik ut de döörschnittliche Leistung un de Leistungsspitzen-Phase, de op dat Pedal geven warrt.
För de Loop- un Fietsdynamiken warrt en Bostgört, Footpod un/oder spezielle Fietspedale nödig, de disse Weerde bereitstellen un ünnerstütten.