Höögdendaten un Stiegungsverdelung
Höögdendaten un Stiegungsverdelung
Mit de Stiegungsverdelung is dat mööglich, Leistungsdaten, as Snellheit, Wattleistung, Hartslag un Kadenz, bestimmte Stiegungsweerde totoornen.
Dat Stiegungsverdelungskurv kann Di to'n Bispeel wiesen, ob Du Anstiege, also Stiegungen in'n positiven Bereich, to snell angeihst. In dissen Fall würr de Hartslagkurv stark na baven wiesen.
De Höögdendaten gevt Di en Överblick över de Beschaffenheit vun dat Höögdenprofil un den Opwand, den Du för de Höögdenöverwinnnung in de Aktivität leisten musst.
Höögenbetrokene Metriken
Gipfelstiegung
De Gipfelstiegung is de döörschnittliche Stiegung, meten vun'n deepsten Punkt to'n högsten Punkt vun de Aktivität. Wenn de deepste Punkt achter den högsten Punkt liggt, denn is de Gipfelstiegung negativ. Dat hannelt sik denn üm en Afstieg.
De döörschnittliche Stiegung beinhollt dat Höögdenprofil vun de trüchleggte Streck un wiekt dormit vun de direkte lineare Stiegung af.
Gipfelhöögde
De Gipfelhöögde is de högste Punkt vun de Aktivität.
Minimale Höögde
De minimale Höögde is de nedrigste Punkt vun de Aktivität.
Höögdenünnerscheed
De Höögdenünnerscheed is de direkte lineare Differenz twüschen Gipfelhöögde un minimale Höögde. Also de direkte Höögdengraad vun'n nedrigsten bit to'n högsten Punkt vun de Aktivität. Wokeen vun Meeresspeegelhöögde ut op den Mount Everest lopen is, hett dormit en Höögdenünnerscheed vun wat mehr as 8.848 Meter bewältigt.
Stiegungsvariabilität
Mit de Stiegungsvariabilität lett sik dat Op un Dal vun de Gipfelstiegung oder en Afschnitt inordnen. Je höger de Stiegungsvariabilität is, desto mehr Opwand mutt in de direkte Stiegungsöverwinnnung to'n Gipfelpunkt investeert warrn.
Dat Verhöltnis twüschen direkte lineare Stiegung un de tatsächlich trüchleggte döörschnittliche Stiegung ergifft de Stiegungsvariabilität. En Stiegungsvariabilität vun 100% entsprickt de Verdopplung twüschen direkte un döörschnittliche Stiegung. Bispeel: 20% döörschnittliche Stiegung in't Verhöltnis to 10% lineare Stiegung ergifft en Stiegungsvariabilität vun 100%.
Stiegung un Gefäll
De döörschnittliche Stiegung un dat Gefäll in Prozent berekent sik ut den trüchlegten Anstieg un Afstieg to de horizontale Streek. Disse Weerde entsprekt de wahre föhlte Stiegung to'n Gipfel, dor dat Höögdenprofil inbetagen is.
Stiegrate un Sinkrate
De döörschnittliche Stiegrate un Sinkrate wiest de vertikale Snellheit in Meter per Stünn an.
Fiets-Index
De Fiets-Index is en Weert to de Kategoriseering un to't Verglieken vun Anstiege. Disse is vun dat holländische Fietsmagazin Fiets entwickelt worrn un is recht verbreidt.
Je höger de Weert, desto swieriger un kraftuprievender is de Anstieg. In de Alpen finnst Du t.B. Anstiegen mit en Weert vun 20. En Middelgebirge beed Di wat üm 2-5 rüm. Bi en Ultramarathon is en kumuleerten Fiets-Index vun över 100 in'n Bereich vun dat Normale.
Genauigkeit vun de Höögdenmeten
Vele moderne Sportcomputer hebbt intüschen en barometrischen Höögdenmeter, de tofriedenstellende Resultate levert. Trotzdem gellt: Höögdenmeten is komplex un ungenau.
Genau Datenerfassung is blots dörch opwändige Messung an Land möglich un dordörch regional begrenzt.
Leider givt dat keen globales Modell, dat exakte Daten levert. Dat hett folgende Grünn:
- De Eerd is nich exakt rund, dorüm gifft dat keen echten Nullpunkt.
- Snellere Aktivitäten hebbt relativ to de Streek weniger Höögdendaten, da dat Opteekensintervall gliek blifft.
- Reine GPS-Meten hett extreme Afwiekungen vun bit to 50m per Meetpunkt.
- Satellitendaten sünd dörch Böhm, Strüker oder Hüüs verfälscht.
- Barometrische Messung verännert sik mit den Luftdruck, de variabel is. Dit passert meistens al während en Workout. En optrekend Schietweer während en Aktivität verfälscht de Daten bannig. Bi Consumergeräten fehlt de Mööchlichkeit vun en genau Initialiseering vun den Luftdruck vör elke Aktivität.
Dat beste Ergebnis levern noch de barometrischen Höögdenmeter, sofern dat Wetter mitspeelt. De nödige Höögdendatenglätten vun Tredict is op dit Meetverfahren afstimmt.
Tredict verzichtet bewusst op en Höögdenkorrektur dörch Satellitendaten, da disse insgesamt to ungenau sünd un en Verglieken verhinnern. Wokeen Höögdenmeter inbetreckt, schull jümmer desülve Meetmethod bruken, üm en Verglieken to gewährleisten.