Kapaziteetsanwieser un Effizienzanwieser
Kapaziteetsanwieser un Effizienzanwieser
Kapaziteetsanwieser un Effizienzanwieser sünd Verglieksgrööten.
Se maakt Di dat möglich:
- Trends in Dien Effizienz un Ökonomie fasttostellen.
- Dien momentanen Fitnesstoostand to ermiddeln un dorut Vörussäägen un Zonenanpassungen vörtonehmen.
- Di mit annere Sportlers oder Sportlerinnen to verglieken.
Hartslag-Pace-Faktor
De Hartslag-Pace-Faktor is en Kapaziteets-Anwieser un beschrifft dat Verhöltnis vun de döörschnittliche Hartslagintensität un de Snellheit vun dat Öven.
De vereenfachte Formel dorto is:
heartratePaceFactor = avgSpeed / (avgHeartrate / heartrateMax)En högeren Weert bi gliekblievende Snellheit wiest dormit en betere aerobe Kapaziteet an.
In't Verhöltniskurv vun de Utwertung kannst Du naverfolgen, ob sik Dien aerobe Leistung verbetert oder welke Öven an'n effektivsten sünd. Erstell dorför en Kurv, mit den Hartslag-Pace-Faktor op de een Achs un den Pace op de anner Achs.
Disse Weert is as toverlässige un simple Verglieksgrött twüschen SportlerInnen geeignet, wenn de maximale Hartslag korrekt ermiddelt worrn is.
Hartslag-Leistung-Faktor
De Hartslag-Leistung-Faktor is en Kapaziteets-Anwieser un beschrifft dat Verhöltnis vun de döörschnittliche Hartslagintensität un de normaliseerte Wattleistung vun dat Öven.
De vereenfachte Formel dorto is:
heartratePowerFactor = normPower / (avgHeartrate / heartrateMax)En högeren Weert bi gliekblievende Leistung wiest dormit, ähnlich as den Hartslag-Pace-Faktor, en betere aerobe Kapaziteet an, is aver t.B. in't hügeligen Gelände akkurater.
Stell en Verhöltniskurv op mit den Hartslag-Leistung-Faktor op de eene Achs un de normaliseerte Leistung op de anner Achs, üm Dien besten Öven to finnen.
Disse Weert is op den Utgangsweert vun Dien Wattleistungsmeter betrocken un schull bi en Wessel vun dat Gerät reevalueert warrn.
Lees to de Faktoren ook den Blogartikel: Möödigkeit bi en Öveneenheit darstellen un marken
Pace-Leistung-Index
De Pace-Leistung-Index is en Effizienzindikator, oder ook Effizienzindex, un beschrifft dat Verhöltnis vun de döörschnittliche Snellheit to de döörschnittliche Wattleistung vun dat Öven.
De vereenfachte Formel dorto is:
pacePowerIndex = avgSpeed / avgPowerHögere Weerde wiest dorbi en betere Ümwandlung vun Leistung in Snellheit an.
Fietser könen mit dissen Weert de Effizienz vun verschedene Översettungen verglieken. Lopers de Effizienzverännerung vun en sik wederholend Training.
Üm en genaue Utsaag över tiedliche Effizienzverännerung to kriegen, schullen bi de to vergliekenden Öven ähnliche Bedingungen vörherrschn.
Disse Weert is op den Utgangsweert vun Dien Wattleistungsmeter betrocken un schull bi en Wessel vun dat Gerät reevalueert warrn.
"Form Power"-Index
De "Form Power"-Index beschrifft dat Verhöltnis vun de döörschnittliche Wattleistung to de Stryd Form Power.
De vereenfachte Formel dorto is:
formPowerIndex = power / formPowerEn högeren Weert wiest en betere Effizienz vun Dien Öven an, da relativ to de Gesamtleistung weniger Verlustleistung entstahn is.
De "Form Power"-Index is direkt ahn wiedere Betrecksgrött verglieksbar.
Disse Weert is op den Utgangsweert vun Dien Wattleistungsmeter betrocken un schull bi en Wessel vun dat Gerät reevalueert warrn.
Running Effectiveness
De Running Effectiveness warrt berekent as dat Verhöltnis vun Loopsnellheit un spezifische Loopleistung un kann för de Vörussääg vun Leistung un Snellheit bruukt warrn.
De Formel dorto is:
RE = avgSpeed (m/s) / specificPower (W/kg)
Lees to de Running Effectiveness ok den utföhrlichen Blogartikle: De Metrik Running Effectiveness (RE) in Tredict
VO2max
De berekente VO2max (Volumen-Suerstoff-Maximal) is en sportwetenschoppliche Kenntall, de Dien aerobe Fitness beschrifft.
Se wiest de maximale Suerstoffmenge an, de vun'n Köörper bi en maximale Belastung över en längeren Tiedruum opnommen warrn kann. De Eenheit lest sik as Milliliter Suerstoff per Minute un warrt mit ml/min afkörtt.
Eegentlich warrt dissen Weert över en Atemgasanalyse während en sportliche Höchstbelastung bestimmt, kann aver mit deterministischen Faktoren ok ut de Hartslagkapazität un de Snellheit berekent warrn, so dat en ungefähre Verglieksborkeit geven is.
De vereenfachte Formel dorto is:
VO2max = (avgSpeed / (avgHeartrate / heartrateMax)deterministicExponent)deterministicExponentÄhnlich as den Hartslag-Pace-Faktor wiest en högeren Weert en betere kardiovaskuläre Fitness an, d.h. Du kannst Tempoeenheiten gauer absolveern oder ganz lange Eenheiten mit nedrigere Hartslag absolveern.
Opgrund vun de deterministischen Faktoren warrt disse Weert blots för Loopaktivitäten berekent. Di steiht aver bi elk Sportoort de Hartslag-Pace-Faktor to Verfögung, de sik proportional to'n VO2max verhöllt.
De VO2max is direkt ahn wiedere Betrecksgrött verglieksbar. För en tooverlätig Weert mutt de maximale Hartslag korrekt ermiddelt worrn ween.
Relativer VO2max
De relative VO2max baseert op den VO2max, betreckt aver dat Köörpergewicht mit in.
So kannst Du sehn, wo Ännerungen vun Dien Gewicht sik op Dien VO2max utwirken.
För de Verglieksborkeit mit annere SportlerInnen is dissen Weert blots bedingt geeignet, da dat Verhöltnis vun Muskel-Fett-Waterandeel nich mit inbetrocken is. De Eenheit lest sik as Milliliter Suerstoff per Minute per Kilogramm un warrt mit ml/min/kg afkörtt.
Swömm-Effizienzindex
De Effizienzindex bi't Swömmen is en op en 50m-Bahn normaliseerten SWOLF-Weert.
So kannst Du, unafhängig vun de Bahnlängden, de Du swommen büst, den Weert verglieken.
Ok Outdoor-Swömmaktivitäten könen so inordnt warrn.
De SWOLF-Weert beschrifft de Anzahl vun de Swömmtöög per Bahn plus de benödigte Tied. De Formel för den Swömm-Effizienzindex is:
efficiencyIndex = (strokes + duration) / (distance / 50)
En legen Effizienzindex is dormit beter, da weniger Swömmtöög nödig sünd.
De Swömm-Effizienzindex is direkt ahn wiedere Betrecksgrött verglieksbar.