Övenattribute

Eigenschoppen vun en Öven, de Du sülvst fastleggst, nadem dat Öven absolveert worrn is, warrt Aktivitätsattribute nömmt.

Spaßfaktor

De Spaßfaktor is över en gröteren Tiedruum betracht en wichtigen Indikator för Dien Allgemeentoostand. 

Wenn disse duerhaft sackt, denn is Dien Öven möglicherwies to intensiv doseert. In'n Optimalfall stieggt de Spaßfaktor vör wichtige Wettkämpfe an. In't normale Öven warrt de Spaßfaktor aver eher utbalanseert ween, dor en utgleken Övenplaan sowohl fordernd, as ook sportlich erholsam ween schull, anstatt in'n Burnout to ennen. 

Enkelne Öven könen bannig facettenriek ween un anspruchsvulle un freudvulle Afschnitten gliekeemaaten enthollen. De Weerdebereich rekt bi'n Spaßfaktor vun 'bannig leidvull' över 'utbalanseert' bit to 'bannig freudvull'. 

Föhlte Anstrengung

De föhlte Anstrengung kann över Dien momentanen Toostand un Dien Dagsform Utkunft geven. 

Wenn al bi bannig langsame Eenheiten en hoge föhlte Anstrengung vörherscht, denn is möglicherwies en Verköhlung kort vörstahn oder Du hest Di vun en bannig intensive Eenheit noch nich noog erholt. Villicht hest Du aver ook en snellen Tempoloop absolveert, de sik kuum anstrengend anföhlt hett. Denn befinnst Du Di villicht graad op den Högepunkt vun de Superkompensation vun Dien vörige Öven un Du hest en Pausendag to veel inleggt. Möglicherwies weer aver blots dat Wetter besünners goot un Du föhlst Di mental eenfach top. 

Lange lichte Löpe schullen nich anstrengender as 'licht anstrengend' ween, noch beter weer 'licht'. Korte knackige Wedstrieds könen 'bannig anstrengend' ween oder villicht sogar 'extrem anstrengend'. Wer gröttendels blots 'fordernd' traineert, treckt mööglicherwies keen Nutzen dorut, dor dat Öven nich polariseerend noog is.

Utröstung

Du kannst de bruukten Schoh, Fietsen oder generische Utröstung mit elk Öven verknüppen. De Övenweerde as Streek, Duur, Snellheit, Stärkverdelung, Opwand un veel mehr warrt an den Utröstungsgegenstand aggregeert.

Blessuren & Lieden

Wenn Du en Blessuur oder Lieden indragen hest, warrt disse op de Övensiede anwiest. Du kannst dormit Rüchslüss op möögliche Utwirkungen vun de Leistungsweerde un Effizienzanwieser trecken.