Öventohoopfaten
Öventohoopfaten
De Tosamenfatt gifft Di en Överblick över den Opwand un de Intensität vun Dien Aktivität.
Streek
Standardmätig warrt de Streek ut de Streekserie vun Dien Sportuhr aggregeert.
Mit en Klick op dat Streekfeld, kannst Du de Streek ook ut de Snellheit bereknen laten.
Dit kann bi en goot instellt tosätzlichen Snellheitsmeter vun Vördeel ween, is aver bi normale GPS-Uhren ungenauer. De beiden Datenquellen warrt genauer bi de Beschrieven vun "Pace ut Streek" un "Pace ut Snellheit" beschreven.
Bi de Präferenzen in de Instellungskategorie, kannst Du de primäre Streekquell duurhaft fastleggen.
Bahnen un Bahnlängde
Tosätzlich to de Streek warrt Di bi't Swömmen de Bahnlängde un de Bahnenantall, de Du swommen büst, anwiest.
Anstieg un Afstieg
Dor keen Anstieg un keen Afstieg absolut graad verloppt, sünnern dat jümmers wat hoog un rünner geiht, sünd de trüchlegten Höögdenmeter meistens düütlich gröter as de direkte Höögdenünnerscheed. De Anstieg un de Afstieg wiest Di an, wat Du würklich an Höögdenünnerscheed överwunnen hest.
Stiegungskategorie
De Stiegungskategorie richt sik na de Kategoriseering vun de Anstiege bi de Tour de France un geiht vun '5' bit 'HC'.
Bi en Stiegung vun de Kategorie '5' mutt blots en geringen Höögdenünnerscheed överwunnen warrn, wobi de Kategorie 'HC' de högste Kategorie is, de en bannig hoge Stiegleistung erfordert.
Ermiddelt warrt de Stiegungskategorie ut den berekenten Fiets-Index. Tredict hett de Fiets-Indicies för de Anstiege vun de Tour de France berekent un kann dormit ok de Stiegungskategorie bereknen.
Duur
De Duur is de Hauptfaktor för de Opwandsbereknung vun en Aktivität. Dorför warrt blots de aktive Tied bruukt un Pausen warrt nich mit inbetrocken.
Tredict wiest Di ook de Tied an, de Du bi't Lopen gahnde un bi't Fietsen stahnde trüchleggt hest.
De verstrekene Tied is de Tiedruum vun de Starttied bit to de Enntied vun dat Workout, inklusive all Pausen.
Split
De Split givt de Tieddifferenz vun de tweete Hälft vun en Aktivität an. En Loop vun 10 Kilometer warrt also bi Kilometer 5 deelt.
Negative Split
En negative Split betekent en Aktivität, in de de tweete Hälft sneller utföhrt worrn is. Dit kann natüürliche Grünn hebben, t.B. de snelle Afdaal vun en Barg in de tweete Hälft. Negative Splits warrt aver ook bewusst plaant un seggt wat över de Fähigkeit vun de Stärkstüürung ut.
Positive Split
Bi en positiven Split duurt de Utföhrung vun de tweete Hälft vun en Aktivität länger. Dit kann de Fall ween, wenn Du t.B. eerst snell in't Daal löppst un denn aver wedder den Barg hoog musst. En positive Split kann aver ook bedüüden, dat Du en Loop oder en Fietsrennen anfangs to snell angahn büst.
Identische Split
Bi en identischen Split oder ook "Even Split" sünd beide Hälften vun de Aktivität gliek lang. En "Even Split" kann de Fähigkeit to de konstante Stärkstüürung opwiesen.
Opwand
De Opwand is de Ingangsgrött för de Formkurv un beinflusst Dien Fitness un Erschöpfung.
Geringe Opwände sünd gröön, moderate geel un hoge root markeert. För en hoge Genauigkeit schullst Du regelmätig de Zonen an Dien aktuellen Fitnesstoostand anpassen un Stufenstänn plegen.
De Opwandsbereknung löppt mit folgend Kriterien:
- Aktive Duur - Je länger de Aktivität, desto höger de Opwand.
- Een vun de 3 Leistungsweerde - Hartslag, Wattleistung oder Snellheit.
- Zonenintensität - En högeren Intensitätsbereich verorsaakt en högeren Opwand bi glieke Tied.
- Kapaziteet - Maximale Hartslag, FTP, FTPa
Welke vun de Leistungsweerde in de Bereknung prioriseert warrn schall, de Stufenprioriteet, kannst Du bi de Präferenzen in de Instellungskategorie fastleggen.
Stärkverdelung
De Verdelung vun de Stärken maakt Di en snelle Inordnung vun de Övenart mööglich oder ob Du Di in de wünschten Intensitätsbereiken ophollen hest.
Tredict defineert 3 Intensitätsbereiche - leeg, moderat un hoog.
Mit en Klick op de Stärkverdelung kannst Du twüschen de Zonentypen wesseln - Hartslag, Wattleistung, Snellheit un Kadenz.
För en noch detailleerteren Överblick, kannst Du Di de Stufenverdelung in Dien Öven ankieken.
Kalorien
De Kalorienverbruuk warrt in kCal meten. He kann ünner annern bi besünners lange Löpe wichtig ween oder bi en exakte Steuerung vun de Nahrungsopnahm, in de Ennphas vun en Övenperiode.
Schritten, Pedaltreden un Töög
De Antall vun de Schritten bi't Lopen, de Pedaltreden bi't Fietsen un de Swömmtöög bi't Swömmen sünd afhängig vun de Kadenz un de Duur vun en Workout.
Loopaktivität ahn Gahn anwiesen
Bi en Loopaktivität kannst Du in't Verloopskurv, bi de Leistungsweerde un in de Tosamenfatt de Tieden utblennen, in de Du gahn büst. Klick dorto op dat Gahn-Symbol in de Tosamenfatt.
Dit kann t.B. bi de Utwerten vun en Intervalltraining sinnvull ween, üm de Leistungsphasen beter to verglieken.