Tredict gifft dat nu endlich ok op Plattdüütsch. Un nich bloots so’n beten halvig, nee nee, gleich dat ganze Programm, im wahrsten Sinn vun’t Woort. De App, dat Glossar, Emails, de Startsiet un all den annern Kraam dorbi.
Dat is’n richtigen Spaaß, dat segg ik jo!
Un leest jo ok unbedingt de Blogartikeln op Platt dörch. Dat is würklich köstlich. Un de Nutzungsbedingen sünd ok keen Kindergeburtstag. :-D
As Noorddüütscher heff ik mi dat al länger wünscht, un nu heff ik endlich de Tied dorför funnen. De Översetten hett ganze 6 Daag freten, üm de rund 25.000 Zeilen Sprak, de Tredict hett, op Platt to bringen. Dor hebbt mi ok 2 Large Language Models bi holpen. Man ok bloots so halbwegs. Fast allens mutt ik sülvst wedder grade trecken un mit veel Möh naarbeiten. Un’n poor Saken sünd woll jümmers noch nich ganz rund. Dat treck ik mit de Tied noch nah, man een beten Schiet blifft jümmers in’n Eemer.
Plattdüütsch is dorto ok noch’n bannig wackelige Spraak. Oostfrees’sch Platt is wat anners as Kieler Platt oder dat, wat se in Meckelnborg tosamenbrummt. So is dat Tredict Platt ok’n beten en Mischmasch ut allens, man mit’n düchtigen Inslag vun Hamborger Platt, wiel Tredict ut Hamborg kummt. Dat mutt ok so.
Wat besünners lustig is, ji köönt nu jo Övenbiller op Platt beschriften laten un denn op Insta oder wo ok jümmers rümjagen:
Deel dien Bild op Plattdüütsch.
Klick dorför eenfach op den Knopp „Bild maken“ in dien utföhrten Öven.
Veel Spaaß!